حمد

ہر جا پہ  بزمِ  ارض میں قبضہ خدا کا ہے

شایاں نہیں کسی کو  یہ  رتبہ خدا  کا  ہے

ذرے کی کیا مجال جا پہنچے خورشید کو

بندہ  ہی بن کے رہ  کہ تو بندہ  خدا  کا  ہے

انسان ہوں،  انسان  کو  رہتے  ہیں غم  ہزار

لیکن  کوئی فکر  نہیں ، سہارا  خدا  کا  ہے  

رکھو  فرق کہ ہر چند قابلِ تعظیم ہیں مگر

وہ  رتبہ نہیں کسی کا جو  رتبہ خدا کا  ہے

انبیاء  ہوں  اولیاء  ہوں  صحابہ یا  اہلِ بیت

محتاج    ہر    کوئی   واللہ    خدا    کا    ہے

غافل!  ذرا  غور  کر،  کبھی دیکھ  تو  سہی

نظر   نظر  میں  جلوہ  نظر  آتا  خدا  کا  ہے

ہر  ہر  مذہب  میں  شہرہ  ہے  ذاتِ   خدا  کا

ہر   ہر  صدا  میں  مخفی  تذکرہ خدا  کا  ہے

کب  تک  رہے  گا  محروم  اس کی  عطا  سے

آخر  حسن  امان   بھی   بندہ   خدا   کا   ہے